انقرہ (شِنہوا) ترکی کے وزیرخارجہ میولوت چاوش اوغلو نے کہا ہے کہ ترکی شام کے ساتھ بات چیت کیلئے پیشگی شرط نہیں رکھے گا لیکن اسے با مقصد ہونا چاہیے۔

میولوت چاوش اوغلو نے منگل کے روز ہاربر گلوبل ٹی وی چینل کو دیئے گئے ایک انٹرویو میں کہا کہ ملک کو دہشتگردوں سے پاک کرنے کی ضرورت ہے ، مذاکرات کیلئے کوئی شرط نہیں رکھی گئی لیکن بات چیت کا مقصد کیا ہے۔

انہوں نے مزید کہا کہ ہماری سرحدوں کی حفاظت اہم ہے ۔ شام کی علاقائی سالمیت اور سیاسی سالمیت اہم ہیں ۔ یہ اہم ہے کہ لوگ بحفاظت اپنے ملک میں واپس آ سکیں ۔

ترکی 2011ء میں خانہ جنگی شروع ہونے کے بعد سے شامی صدر بشارالاسد کی فوج کے ساتھ لڑنے والے باغیوں کی حمایت کر رہا ہے ۔ ترک فوج کرد پیپلز پروٹیکشن یونٹس سے لڑائی کیلئے اب تک شمالی شام میں 4 حملے کر چکی ہے۔