بنکاک(شِنہوا)تھائی لینڈ کی حکومت نے اعلان کیا ہےکہ ملک کے شمال مشرقی علاقے میں  پیش آنیوالے فائرنگ واقعے کے بعد اسلحہ اور منشیات پر قابوپانے کوقومی ایجنڈا کا حصہ بنا دیا گیا ہے۔

تھائی لینڈ کے وزیر اعظم پرایوت چان اوچا نے بدھ کو ایک پریس بریفنگ میں بتایا کہ وہ ملک میں منشیات اور آتشیں اسلحے کے ناجائز استعمال سے نمٹنے کیلئے ایک نئی کمیٹی کی سربراہی کریں گے۔

پرایوت نے کہا کہ لائسنسنگ اور بیئرنگ سے لے کر گن کنٹرول پر قانون کے نفاذ کو مضبوط بنانے اور متعلقہ قوانین کا جائزہ لینے جیسے اقدامات کمیٹی کے بنیادی دائرہ کار میں شامل ہیں۔

انہوں نے کہا کہ حکومت سنجیدگی اور ایک جامع نقطہ نظر کے ساتھ غیر قانونی منشیات کی روک تھام اور اس پر کنٹرول کے اقدامات کر رہی ہے۔