بیجنگ(شِنہوا)  چھٹی سلک روڈ (ڈن ہوانگ) بین الاقوامی ثقافتی نمائش میں ترکمانستان مہمان خصوصی کے طور پر شرکت کرے گا۔

وزارت ثقافت و سیاحت (ایم سی ٹی)، نیشنل ریڈیو اینڈ ٹیلی ویژن ایڈمنسٹریشن، دی چائنہ کونسل فار دی پروموشن آف انٹرنیشنل ٹریڈ اور گانسو کی صوبائی حکومت نمائش  کی میزبانی کر رہی ہے۔ رواں سال یہ نمائش 6 سے 7 ستمبر تک گانسو کے ڈن ہوانگ میں منعقد ہو گی۔

ایم سی ٹی کے عہدیدار  پھنگ یوبن نے کہا کہ ترکمانستان کا قومی عجائب گھر ملک کی ثقافت، آرٹ اور مصنوعات کے مہمانوں کے لئے نمائشی تقریبات کے انعقاد میں قائدانہ کردار ادا کرے گا۔

گانسو کے صوبائی محکمہ ثقافت و سیاحت کے سربراہ ہی شیاؤزو نے کہا کہ افتتاحی تقریب میں 1200 سے زائد ملکی و غیر ملکی مہمانوں کو مدعو کیا گیا ہے ۔ایکسپو میں فورمز اور نمائشیں منعقد ہوں گی جبکہ فن کا مظا ہرہ پیش کیا جا ئے گا۔

پریس کانفرنس کے مطابق تقریب کے دوران ریڈیو اور ٹیلی ویژن کے شعبے میں اقتصادی تعاون کے میلے اور سیمینارز بھی منعقد کیے جائیں گے۔