دمشق (شِنہوا)شام کے شمال مشرقی صوبے حسقہ میں داعش (آئی ایس) کے عسکریت پسندوں نے سڑک پر ایک گاڑی میں سفر کرنے والے 6 افراد کو ہلاک کر دیا ہے ۔

انسانی حقوق بارے شامی مبصر مشن نے کہا ہے کہ مشرقی صوبے دیر الزور کی طرف جانے والی خورافی سڑک پر آئی ایس کے عسکریت پسندوں نےان 6 متاثرہ افراد پرگھات لگا کر حملہ کیا،تاہم ان متاثرین کی شناخت تاحال معلوم نہ ہوسکی ۔

برطانیہ میں قائم اس مبصرمشن کے مطابق داعش نے گھات لگا کرکئے گئے اس تازہ ترین حملے سمیت شام کے شمال مشرق میں کرد زیرقیادت شامی ڈیموکریٹک فورسز (ایس ڈی ایف) کے زیر کنٹرول علاقوں میں 2022 کے دوران 130 حملے کیے ہیں، جن میں 104 افراد ہلاک ہوئے ہیں، ان میں 37 شہری اور ایس ڈی ایف کے 67 جنگجو شامل ہیں۔