لاس اینجلس (شِنہوا) امریکی قومی ادارہ برائے صحت نے کہا ہے کہ پہلی بار محققین کی ایک بین الاقوامی ٹیم نے دودھ پلانے والے (تھن کے حامل)جانور کے دماغی خلیوں کا ایک مکمل نقشہ تیار کیا ہے۔

یہ تقشہ چوہے کے دماغی خلیہ کا ہے جس میں 3 کروڑ 20 لاکھ خلیوں کی اقسام ، مقام اور مالیکیولر معلومات کے بارے  میں وضاحت کی گئی ہے اور ان خلیوں کے رابطے کی بابت بتایا گیا ہے۔

این آئی ایچ کے مطابق چوہا دماغی سائنس کی تحقیق میں سب سے زیادہ استعمال ہونے والا ریڑھ کی ہڈی کا حامل تجرباتی ماڈل ہے جو خلیاتی نقشہ انسانی دماغ کو زیادہ سے زیادہ سمجھنے میں مدد دیتا ہے۔

این آئی ایچ نے کہا کہ خلیاتی نقشہ دماغی اور اعصابی امراض میں مبتلا افراد کے درست علاج میں ترقی کی نئی بنیاد بھی رکھتا ہے۔

یہ نتائج بدھ کو "10 پیپرز ان نیچر" میں شائع ہوئے ہیں۔

این آئی ایچ کے امریکی قومی ادارہ برائے دماغی صحت کے ڈائریکٹر جوشوا گورڈن کا کہا ہے کہ یہ نقشہ تھن والے جانوروں کے دماغی خلیات کے پیچیدہ نیٹ ورک پر غیر معمولی توجہ دیتا ہے جس سے محققین کو انسانی دماغ کے افعال اور بیماریوں کو سمجھنے کے لیے ضروری معلومات مل گئی ہیں۔