اسلام آباد (شِںہوا) وزارت صحت نے بدھ کے روز بتایا ہے کہ ملک میں منگل کو نوول کرونا وائرس کے 158 نئے کیسز کا اندراج ہوا جس کے بعد ملک میں مصدقہ کیسز کی تعداد بڑھ کر 15 لاکھ 70 ہزار 462 ہوگئی ہے۔

یہ کیسز 15 ہزار 303 نمونوں کی تشخیص سے سامنے آئے ہیں۔

وزارت نے بتایا کہ منگل کو ایک شخص جاں بحق ہوا جس کے بعد نوول کرونا وائرس سے لقمہ اجل بننے والوں کی تعداد 30 ہزار 594 ہوگئی ہے۔

اس وقت ملک بھر میں نوول کرونا وائرس کے 105 مریضوں کی حالت نازک ہے۔