کھٹمنڈو(شِنہوا) نیپال کے مغربی ضلع ڈانگ میں  ایک مسافر بس پل سے دریا میں گرنے سے 12 افراد ہلاک ہوگئے۔

چیف ڈسٹرکٹ آفیسر رام بندھو سبیدی نے ہفتہ کو بتایا کہ گزشتہ رات ہونے والے اس  حادثے میں 12 افراد کی ہلاکت کی تصدیق ہوگئی ہے جب کہ 22 دیگرافراد زخمی ہوئے ہیں۔ انہوں نے شِنہوا کو بتایا کہ  مقامی وقت رات 10 بج کر30 منٹ پر بس  تیز رفتاری کی وجہ سے دریائے راپتی پر پل کی ریلنگ سے ٹکرا نے کے بعد دریا میں جا گری۔

چیف ڈسٹرکٹ آفیسر کے مطابق امدادی کارکنوں کو بس کو دریا سے باہر نکالنے میں تقریباً چار گھنٹے لگے، دارالحکومت کھٹمنڈوجانے والی اس بس میں 36 افراد سوار تھے۔