ماسکو(شِنہوا)نگورنو کاراباخ کے علاقے میں ایندھن کے ڈپو میں ہونے والے دھماکے میں کم از کم 20 افراد ہلاک اور 290 زخمی ہو گئے۔

آرمینیا کی سرکاری خبر رساں ایجنسی آرمین پریس نے منگل کو مقامی صحت کی دیکھ بھال کے حکام کے حوالے سے بتایا کہ سات متاثرین ہسپتال میں دم توڑ گئے جبکہ 13 افراد کی نامعلوم لاشوں کو کورونر کے دفتر منتقل کیا گیا ہے۔

رپورٹ میں بتایا گیا کہ درجنوں زخمیوں کی حالت تشویشناک ہے اور کچھ ابھی تک لاپتہ ہیں۔

رپورٹ میں مزید کہا گیا ہے کہ ایندھن کے ڈپو دھماکے کے متاثرین کی مدد کیلئے ڈاکٹروں کی ایک ٹیم آرمینیا کے دارالحکومت یریوان سے ہیلی کاپٹر کے ذریعے علاقے میں آرہی ہے ۔