قاہرہ(شِنہوا) عرب لیگ(اے ایل) کے سیکرٹری جنرل احمد ابوالغیط نے مغربی کنارے میں اسرائیلی فورسز کی جانب سے جارحیت کی روش میں اضافہ کی مذمت کی ہے۔

عرب لیگ نے بدھ کے روز ایک بیان میں کہا کہ احمد ابوالغیط نے فلسطینیوں کو نشانہ بنا کر بے رحمی سے قتل کرنے پر خبردار کرتے ہوئے شہریوں کے تحفظ کیلئے بین الاقوامی برادری سے مداخلت کرنے کا مطالبہ کیا۔

بیان میں کہا گیا کہ 2022ء کے آغاز سے تشدد کی شرح میں اضافہ ہو رہا ہے جس سے حادثات میں بہت زیادہ اضافہ ہو رہا ہے۔ انہوں نے یہ بھی کہا کہ فلسطینیوں کو ان کے سیاسی حقوق سے محروم کرنا ان کی سلامتی کو خطرے میں ڈال رہا ہے اور تمام فریقوں کو نقصان پہنچائے گا۔

منگل کو مغربی کنارے میں 4 مختلف واقعات میں اسرائیلی فوجیوں کے ساتھ تصادم کے نتیجے میں 5 فلسطینی جاں بحق ہو گئے تھے۔