بوگوٹا(شِنہوا)کولمبیا میں ایک فوجی ہیلی کاپٹر گر کر تباہ ہو گیا جس کے نتیجے میں سوار تمام 9 فوجی ہلاک ہو گئے۔

کولمبیا کی نیشنل آرمی  کے بیانات میں کہا گیا ہے کہ ہیلی کاپٹر کا دوپہر کے اوائل میں  فوجی بیس سے رابطہ منقطع ہوگیا جو بعد میں بولیوار کے محکمہ سانتا روزا کی میونسپلٹی کے قریب گر کر تباہ ہوا۔

سوشل میڈیا پر اس سانحے پر افسوس کا اظہار کرتے ہوئے کولمبیا کے صدر گسٹاو پیٹرو نے کہا کہ فوجی گلف کلان نامی جرائم پیشہ گروہ کے خلاف آپریشن کر رہے تھے۔

گلف کلان کولمبیا میں منشیات کی اسمگلنگ اور قتل وغارت گری میں ملوث مجرم گروہ کے طور پر جانا جاتا ہے۔