کیپ ٹاؤن(شِنہوا)جنوبی افریقہ کے فری سٹیٹ صوبے میں ایک پرانی کان میں کم سے کم 31 مشتبہ غیر قانونی کان کن ہلاک ہو گئے ہیں۔

جنوبی افریقہ کے معدنی وسائل اور توانائی کے محکمے نے جمعہ کو ایک بیان میں کہا کہ لیشوٹھو سے تعلق رکھنے والے کان کنوں کی موت 18 مئی کو ایک کان کے وینٹیلیشن شافٹ میں ہوئی جو 1990 کی دہائی میں آخری مرتبہ فعال تھی۔

بیان میں کہا گیا ہے کہ امدادی ٹیم کو شافٹ میں بھیجنا بہت خطرناک ہو گا کیونکہ مائن وینٹیلیشن شافٹ میں میتھین کی موجودہ سطح زیادہ ہے۔

بیان میں کہا گیا ہے کہ جنوبی افریقہ کو لیشوٹھو حکومت نے ہلاکتوں کے بارے میں مطلع کیا تھا۔

بیان میں مزید کہا گیا کہ محکمہ اس عجیب صورتحال سے جلد نمٹنے کے لیے مختلف طریقوں پرغور کر رہا ہے۔