ٹوکیو (شِنہوا) جاپان کے جنوب مغربی ساحل کے قریب ڈوبنے والے مال بردار جہاز کے عملے کے آٹھ ارکان کی ہلاکت کی تصدیق ہو گئی، جن میں چھ چینی شہری بھی شامل ہیں۔

فوکوکا میں چینی قونصلیٹ جنرل نے جمعرات کوبتایا کہ عملے کے پانچ ارکان، جن میں چار چینی اور میانمارکا ایک شہری شامل ہیں کو زندہ بچالیاگیا ہے،جبکہ نو دیگر افراد تاحال لاپتہ ہیں۔

ہانگ کانگ میں رجسٹرڈ مال بردار جنتیان نامی بحری جہاز بدھ کے روز ناگاساکی پریفیکچر کے قریب سمندر میں ڈوب گیاتھا،جہاز پرعملے کے 22 ارکان سوار تھے، جن میں 14 چینی اور آٹھ میانمار کے شہری ہیں۔