بیروت(شِنہوا) لبنان نے یمن میں جنگ بندی اور قیدیوں کے تبادلے کی حمایت کے لیے سعودی عرب کے اہم کردار کوسراہا ہے۔
وزارت خارجہ نے منگل کو ایک بیان میں کہاکہ لبنان یمنی بحران کے جامع اور پائیدار سیاسی حل کے لیے سعودی عرب کی مسلسل مدد کو سراہتا ہے جس سے یمن کے اتحاد، خودمختاری اور علاقائی سالمیت کا تحفظ ہو گا، یمنی عوام کو مصائب اور عدم تحفظ سے نجات ملے گی اور یمن کی ترقی، خوشحالی اور امن کے لیے خواہشات مکمل ہوسکیں گی۔
گزشتہ ماہ سعودی عرب اور یمن کی حوثی ملیشیا کے درمیان براہ راست بات چیت ہوئی تھی جس کا مقصد جنگ زدہ ملک میں جنگ بندی کو بحال کرنا تھا۔
