سٹاک ہوم(شِنہوا) فزکس میں 2023 کا نوبل انعام تین سائنس دانوں یئر اگوسٹینی، فیرنک کراؤز اور این ایل ہولیئر کو مادے میں الیکٹران کی حرکیات کے مطالعہ کے لیے روشنی کی اٹوسیکنڈ پلسزپیدا کرنے کے تجربے پر مشترکہ طورپردیا گیا ہے۔

رائل سویڈش اکیڈمی آف سائنسز نے منگل کوایک بیان میں کہا کہ فزکس 2023 کے تین نوبل انعام یافتگان کو ان کے تجربات پر نوبل انعام سے نوازاگیا ہے جنہوں نے ایٹموں اور مالیکیولز کے اندر الیکٹران کی دنیا کو تلاش کرنے کے لیے انسانیت کو نئے ٹولزفراہم کیے ہیں۔

 بیان میں مزید کہاگیا ہے کہ تینوں سائنسدانوں نے روشنی کی انتہائی مختصر پلسز بنانے کا ایک طریقہ وضع کیا جس کا استعمال تیز رفتار عمل کی پیمائش کے لیے کیا جا سکتا ہے جس میں الیکٹران حرکت کرتے ہیں یا توانائی بدلتے ہیں۔