بیجنگ (شِنہوا) چین کے صدر شی جن پھنگ نے سیرل رامافوسا کو جنوبی افریقہ کی حکمران جماعت افریقن نیشنل کانگریس (اے این سی) کا دوبارہ صدر منتخب ہونے پر مبارکباد دی ہے۔
شی نے اپنے پیغام میں کہا کہ ان کو رامافوسا کے دوبارہ انتخاب کے بارے میں سن کر بہت خوشی ہوئی اور انہیں تہہ دل سے مبارکباد پیش کرنا چاہیں گے۔ شی نے رامافوسا کی نئی اور عظیم تر کامیابی کی خواہش کا بھی اظہار کیا۔
شی نے نشاندہی کی ہے کہ کمیونسٹ پارٹی آف چائنہ اور افریقن نیشنل کانگریس گہری روایتی دوستی اور نتیجہ خیز تبادلے اور تعاون سے لطف اندوز ہورہے ہیں۔
اس نے دونوں ملکوں کے درمیان جامع اسٹریٹجک شراکت داری کی گہرائی سے ترقی کو فروغ دینے میں اہم کردار ادا کیا ہے۔
شی نے کہا کہ وہ رامافوسا کے ساتھ مل کر دونوں جماعتوں اور دونوں ملکوں کے درمیان تعلقات کو اعلیٰ سطح پر لے جانے کے لیے کام کرنے بارے تیار ہیں، اور نئے دور میں مشترکہ مستقبل کے ساتھ چین۔ افریقہ برادری کی تعمیر کے لیےباہمی تعاون چاہتے ہیں۔
