شیامین(شِنہوا)چین کے نائب وزیر اعظم ہی لی فینگ نے غیرملکی مالی اعانت پر چلنے والے کاروباری ادراوں کے چین کی اعلی معیار کی ترقی میں حصہ لینے اور چینی جدیدیت میں مزید کاروباری مواقعے تلاش کرنے کیلئے حوصلہ افزائی کی ہے۔

ہی جو کمیونسٹ پارٹی آف چائنہ کے سیاسی بیورو کے رکن بھی ہیں ، نے یہ بات چین کے صوبہ فوجیان کے شہر شیامین میں 24 ویں چائنا انٹرنیشنل فیئر فار انویسٹمنٹ اینڈ ٹریڈ (سی آئی ایف آئی ٹی) کی افتتاحی تقریب سے خطاب کرتے ہوئے کہی۔

انہوں نے کہا کہ دو طرفہ سرمایہ کاری کے ذریعے کھلے تعاون کو فروغ دینے کے اہم پلیٹ فارم کے طور پر سی آئی ایف آئی ٹی زیادہ بین الاقوامی اور خصوصی بن گیا ہے۔ انہوں نے مزید کہا کہ سی آئی ایف آئی ٹی کی ترقی چین کی طرف سے بیرونی دنیا کیلئے  وسیع تر کھلے پن کی جاری کوششوں کی واضح عکاسی کرتی ہے۔

انہوں نے کہا کہ چینی جدیدکاری میں نئی راہیں کھولنے کے لئے چین بیرونی دنیا کے لئے کھلے پن کی بنیادی قومی پالیسی پر قائم رہے گا، بین الاقوامی تعاون کو وسعت دیتے ہوئے کھلے پن کی اپنی صلاحیت میں اضافہ کرے گا اور اعلیٰ سطح پر کھلی معیشت کا ایک نیا نظام تعمیر کرے گا۔

انہوں نے کہا کہ چین اعلیٰ معیار کی ترقی کو فروغ دے رہا ہے، نئی معیار کی پیداواری قوتوں کی ترقی کو تیز کر رہا ہے، جدت طرازی پر مبنی ترقی کی حکمت عملی پر مزید عمل درآمد کر رہا ہے، ہمہ جہت طریقے سے جدت طرازی کی حمایت کر رہا ہے اور اعلیٰ سطحی کھلے پن  کو آگے بڑھا رہا ہے۔ انہوں نے مزید کہا کہ ان کوششوں سے غیر ملکی کاروباری اداروں کے لیے وسیع تر مارکیٹ کی جگہ اور بہتر کاروباری ماحول پیدا کرنے میں مدد ملے گی۔

انہوں نے اس امید کا اظہار کیا کہ غیر ملکی مالی اعانت سے چلنے والے کاروباری ادارے چین کی اعلیٰ معیار کی ترقی میں حصہ لینے، چین اور دیگر ممالک کے درمیان گہرے دوستانہ تعاون کو فروغ دینے اور چین کی اصلاحات اور دنیا کے لیے کھلے پن  کے بارے میں  حقائق بیان کرنے میں سہولت کار ہوں گے تاکہ زیادہ سے زیادہ کاروباری مواقع تلاش کیے جاسکیں اورچینی جدیدکاری کے مقصد میں بہتر ترقی حاصل کی جا سکے۔