بیجنگ (شِنہوا) چین کے مرکزی بینک نے کہا ہے کہ اس نے مکاؤ خصوصی انتظامی خطے کی مالیاتی اتھارٹی کے ساتھ کرنسی تبادلے کے معاہدے کی تجدید کردی ہے۔

پیپلزبینک آف چائنہ نے کہا ہے اس معاہدے سے دونوں فریقین کو 30 ارب یوآن (تقریباً 4.26 ارب امریکی ڈالرز) کو 34 ارب پٹاکاس یا یوآن میں تبدیل کرنے کی اجازت ملے گی۔

پیپلزبینک آف چائنہ کے مطابق اس اقدام کا مقصد مالی استحکام برقرار رکھنا اور دونوں اطراف کی معاشی اور مالی ترقی میں تعاون کرنا ہے۔

یہ معاہدہ 3 سال کے لئے مئوثر ہوگا اور باہمی رضامندی سے اس میں توسیع کی جاسکتی ہے۔

کرنسی تبادلے کا معاہدہ دو اداروں کو ایک کرنسی میں مساوی رقم کی ادائیگی کرنے کی اجازت دیتا ہے تاکہ باہمی تجارتی تصفیے کو آسان اور مالیاتی منڈیوں کو سرمایہ کا تعاون فراہم کیا جاسکے۔