بیجنگ(شِنہوا) چین رواں سال کے دوران 1لاکھ  یوآن (تقریباً 14ہزار790 ڈالر) یا اس سے کم کی ماہانہ فروخت والے چھوٹے کاروباری اداروں کو ویلیو ایڈڈ ٹیکس (وی اے ٹی) سے چھوٹ فراہم کرے گا۔

وزارت خزانہ اور ریاستی ٹیکسیشن  ادارے نے ڈاک اور ٹیلی کام خدمات جیسی پروڈیوسر سروسز فراہم کرنے والے ٹیکس دہندگان کے لیے بھی ٹیکس ریلیف کی پالیسیوں  کی تفصیل دی ہے۔

اقتصادی ترقی کو سپورٹ کرنے کی کوششوں کے تحت  چین نے گزشتہ برسوں کے دوران وسیع پیمانے پر ٹیکس اور فیسوں میں کمی کی ہے۔ 2022 میں، ملک میں ریکارڈ ہائی ویلیو ایڈڈ ٹیکس کریڈٹ ریفنڈزکیے گئے ، جن کی مجموعی رقم تقریباً 24کھرب یوآن تھی۔