بیجنگ(شِنہوا) چین میں آبی گزرگاہوں سے ہونے والی کارگو ٹرانسپورٹ میں سال کے پہلے آٹھ ماہ میں مسلسل ترقی ہوئی ہے،اور مجموعی مال برداری کےحجم  میں گزشتہ سال کے مقابلے میں 4.9 فیصدکا اضافہ ہوا۔

 وزارت ٹرانسپورٹ کے مطابق، اس عرصے کے دوران ملک کی آبی گزرگاہوں کے ذریعے5ارب 57کروڑٹن سے زیادہ سامان منتقل کیا گیا۔  وزارت کے مطابق صرف اگست میں چین کی آبی گزرگاہوں سے گزرنے والے سامان کا حجم 73کروڑ16لاکھ 90ہزار ٹن رہا۔

 جنوری سے اگست تک کے اس عرصے کے دوران، وسطی صوبے ہوبے میں صوبائی سطح کے علاقوں میں آبی گزرگاہوں سے سب سے زیادہ سامان منتقل کیا گیا،جو گزشتہ سال کے مقابلے میں 24.3 فیصد زیادہ تھا،اس کے بعد شمال مشرقی  صوبے لیاؤننگ اور جنوبی صوبے ہائی نان دوسرے اور تیسرے نمبر پر ہیں۔