بیجنگ(شِنہوا)چین نے عالمی معیشت کی سنگین صورتحال کے باوجود سال کے آغاز سے اپنی معیشت کو ایک معقول حد کے اندر چلایا ہے۔

ان خیالات کا اظہار نیشنل ڈویلپمنٹ اینڈ ریفارم کمیشن (این ڈی آر سی) کے سربراہ ہی لی فینگ نے  قومی عوامی کانگریس کی قائمہ کمیٹی کے اجلاس میں قومی اقتصادی اور سماجی ترقی کے منصوبے کے نفاذ کے بارے میں ایک رپورٹ پیش کرتے ہو ئے کیا۔

اندرون اور بیرون ملک عارضی اور اچانک آنے والے جھٹکوں کے باوجود، چین کی معیشت مختصر مدت میں مضبوط ہونے میں کامیاب ہو گئی ہے،انہوں نے کہا کہ اس سے ثابت ہوتا ہے کہ چین کے طویل مدتی معاشی بنیادی اصولوں میں کوئی تبدیلی نہیں آئی ہے۔

سال کی دوسری ششماہی کے بارے میں، انہوں نے کہا کہ چین وبائی امراض پر قابو پانے کے لیے اقتصادی اور سماجی ترقی کے ساتھ مئوثر طریقے سے ہم آہنگی پیدا کرے گا، اور معیشت کو مستحکم کرنے کے لیے پالیسیوں کے نفاذ کو تیز کرے گا۔

انہوں نے گھریلو طلب کو بڑھانے، موثر سرمایہ کاری کو بڑھانے اور 14ویں پانچ سالہ منصوبہ (2025-2021) میں متعارف کرائے گئے 102 بڑے پروگراموں کو سہولت فراہم کرنے کی اہمیت پر بھی زور دیا۔

انہوں نے اصلاحات اور کھلے پن کو گہرا کرنے اور قومی متحد مارکیٹ کے قیام کو تیز کرنے کی کوششوں پر زور دیا۔

انہوں نے کہا کہ رہائشیوں کی آمدنی میں اضافہ کرنے کی کوشش کی جانی چاہیے، تارکین وطن کارکنوں کی اجرت کی ادائیگی کو یقینی بنانا چاہیے، اور کسانوں کی آمدنی میں اضافے کے لیے ذرائع کو مزید وسیع کرنا چاہیے۔