بیجنگ (شِنہوا) چین کے وزیر خارجہ وانگ ای  نے ملائیشیا کے وزیر خارجہ زیمبری عبدالقادر سے ویڈیو لنک کے ذریعے ملاقات کی ہے۔

کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کے رکن وانگ نے اس  ملاقات کے موقع پر کہا کہ چین اور ملائیشیا اچھے دوست اور شراکت دار ہیں۔

انہوں نے کہا کہ  چین ملائیشیا کی نئی حکومت کے ساتھ مل کر اپنی دوستی کو آگے بڑھانے اور تعاون کو  فروغ دینے  کے لیے تیار ہے۔ 

وانگ نے کہا کہ چین سال  2023 میں چین اور ملائیشیا کے جامع تزویراتی شراکت داری کے قیام کی 10 ویں سالگرہ اور 2024 میں چین اور ملائیشیا کے درمیان سفارتی تعلقات کے قیام کی 50 ویں سالگرہ کے موقع سے فائدہ اٹھانے کے لیے تیار ہے۔

انہوں نے کہا کہ  چین اور ملائیشیا کی برادری  مشترکہ مستقبل کے ذریعے  دوطرفہ تعلقات کو نئی سطح پر لے جائے گی اور مشترکہ طور پر علاقائی امن، استحکام اور خوشحالی کی حفاظت کرے گی۔

زیمبری نے کمیونسٹ پارٹی آف چائنہ کی 20ویں قومی  کانگریس کی کامیابی پر چین کو مبارکباد  پیش کی۔

زیمبری نے دونوں  ملکوں کے عوام  کے درمیان روایتی دوستی اور دونوں ملکوں  کے مابین  باہمی احترام اور باہمی اعتماد کو سراہتے ہوئے کہا کہ ملائیشیا کی نئی حکومت اعلیٰ سطح کے تبادلوں کو مستحکم  بنانے اور مختلف شعبوں میں تعاون کو فروغ دینے  کے لیے چین کے ساتھ مل کر کام کرنے بارے تیار ہے۔