جارج ٹاؤن، ملائیشیا (شِنہوا) چینی وزیر خارجہ وانگ یی نے فلپائن پر زور دیا ہے کہ وہ بحیرہ جنوبی چین کی صورت حال پر قابو پانے کے لیے موثر طریقہ تلاش کرنے کے لیے چین کے ساتھ تیزی سے کام کرے۔  کمیونسٹ پارٹی آف چائنہ کی مرکزی کمیٹی کے پولیٹیکل بیوروکے رکن، وزیر خارجہ  ونگ یی  نے سنگاپور اور ملائیشیا کی اہم شخصیات  کے ساتھ بحیرہ جنوبی چین کی موجودہ صورتحال پر تبادلہ خیال کیا اور دونوں ممالک کے دوروزہ  دورے کے دوران چین کے موقف کو واضح کیا۔  چینی وزیر خارجہ نے کہا کہ  ان کے ملک نے بارہا فلپائن کے ساتھ اختلافات کو دوطرفہ بات چیت کے ذریعے حل کرنے پر آمادگی ظاہر کی ہے، امید ہے کہ فلپائن ماضی میں طے پانے والے اتفاق رائے کی پاسداری کرے گا اور دوطرفہ تعلقات کی بہتری کے ذریعے  پیدا ہونے والے باہمی اعتماد کی قدر کرے گا۔ وانگ نے کہا کہ گزشتہ سالوں کے دوران بحیرہ جنوبی چین کی صورتحال میں مجموعی طور پر استحکام حاصل ہواہے اور چین اور جنوب مشرقی ایشیائی ممالک کی تنظیم (آسیان) کی مشترکہ کوششوں سے علاقائی ممالک کی متعلقہ ترقی کے لیے سازگار ماحول پیدا ہوا۔