نئی دہلی(شِنہوا)بھارت کی جنوب مغربی ریاست مہاراشٹر کے ضلع اکولا میں ٹین کی چادروں سے بنے ایک عارضی چھت پر ایک بڑا درخت گرنے سے کم سے کم سات افراد ہلاک اور پانچ زخمی ہو گئے۔

ایک مقامی پولیس افسر نے پیر کو بتایاکہ واقعہ کے وقت متاثرین ایک مندر کے باہر مذہبی تقریب کے لیے جمع تھے۔

اتوار کی شام اس علاقے میں شدید بارش اور تیز ہواؤں کے باعث عارضی عمارتی ڈھانچے پر درخت گرنے سے 35 افراد ملبے تلے دب گئے۔

 مقامی لوگوں نے ضلعی حکام کے ساتھ مل کر امدادی کام کیا اور ملبے تلے متاثرین کو نکالا جن میں سے سات افراد مردہ پائے گئے۔ پولیس نے بتایا کہ زخمیوں کو مقامی اسپتال میں داخل کرایا گیا ہے۔