ہیوسٹن(شِنہوا) اپالو کی پہلی انسان بردار پرواز، اپالو 7سے خلا میں جانے والے سابق امریکی خلاباز والٹ کننگھم 90 سال کی عمر میں امریکی شہر ہیوسٹن میں انتقال کر گئے۔

امریکی خلائی ادارے ناساکے ایڈمنسٹریٹربل نیلسن نے بتایا کہ عملہ بردار اپالوکے پہلے مشن، اپالو7 کے ذریعے والٹ اور اس کے عملے نے تاریخ رقم کی تھی جس نے آرٹیمس جنریشن کے لیے راہ ہموار کی جسے ہم آج دیکھ رہے ہیں۔

ان کے اہل خانہ نے بتایاکہ کننگھم کی موت گرنے کے نتیجہ میں پیدا ہونے والی پیچیدگیوں سے ہوئی ۔ ہیوسٹن میں 24 جنوری کو پبلک میموریل سروس منعقد کی جائے گی۔کننگھم، جنہوں نے خلاباز ہونے کو "دنیا کی اب تک کی سب سے بڑی ملازمتوں میں سے ایک" قرار دیا تھا، 1963 میں ناسا کا خلاباز بننے سے پہلے امریکی میرین کور کے فائٹر پائلٹ تھے۔