بیجنگ(شِنہوا)چین نے امریکی حکام پر زور دیا ہے کہ وہ ایک چائنہ اصول اور دونوں ممالک کے درمیان موجود تین مشترکہ بیانات کی شرائط کی پابندی اور تائیوان سے متعلقہ امور میں سمجھداری سے کام لیں۔
تائیوان کے اپنے ممکنہ سفر کے بارے میں صحافیوں سے گفتگو کرتے ہوئے امریکی ایوان کے اسپیکر کیون میکارتھی نے مبینہ طور پر کہا ہے کہ چین انہیں یہ نہیں کہہ سکتا کہ وہ کس وقت اور کس جگہ جاسکتے یا نہیں جاسکتے۔
میکارتھی کے بیان کے جواب میں چینی وزارت خارجہ کی ترجمان ماؤ ننگ نے روزانہ کی پریس بریفنگ میں کہا کہ چین امریکہ میں متعلقہ لوگوں پر زور دیتا ہے کہ وہ ون چائنہ اصول اور چین-امریکہ تین مشترکہ بیانات کے ضابطوں کی قابل اعتبار طورپرپابندی کریں، بین الاقوامی تعلقات کے بنیادی اصولوں کی پاسداری اور تائیوان سے متعلقہ مسائل میں سمجھداری سے کام لیں۔
ترجمان نے ان پرزور دیا کہ وہ چین کے اندرونی معاملات میں مداخلت بند کریں اورایسے کام کرنے سے گریز کریں جس سے دوطرفہ تعلقات یاآبنائے تائیوان میں امن و استحکام کو نقصان پہنچے۔
