واشنگٹن (شِںہوا) امریکی ایوان نمائندگان کے ریپبلکن ارکان نے صدرجو بائیڈن کے خلاف مواخذے کی منظوری دیدی ہے ۔ قرارداد کے حق میں 221 جبکہ مخالفت میں 212 ووٹ آئے۔

ریپبلکن پارٹی میں عدالتی کمیٹی کے چیئرمین جم جارڈن نے صحافیوں کو بتایا کہ مواخذے کا اختیار مکمل طور پر ایوان نمائندگان کے پاس ہے۔ جم جارڈن سخت گیر رکن کی حیثیت سے شہرت رکھتے ہیں۔

اوہائیو ریپبلکن اور مواخذے کی تحریک کے رہنماؤں میں سے ایک نے کہا کہ اگر ایوان کی اکثریت اب یہ کہتی ہے کہ ہم نگرانی کرنے کی اپنی آئینی ذمہ داری کے طور پر مواخذے کی باضابطہ تحقیقات کر رہے ہیں تو اس میں کوئی وزن ہے۔ اس سے ہمیں گواہوں کو لانے میں مدد ملے گی۔

ریپبلکنز پرامید ہیں کہ مواخذے کی تحقیقات سے انہیں صدر کے بیٹے ہنٹر بائیڈن کو کانگریس کی توہین کا مرتکب ٹھہرانے کے لیے بہتر قانونی جواز مل جائے گاجس میں وہ بظاہر ناکام رہے ہیں۔

ہنٹر بائیڈن موجودہ صدر کے سب سے بڑے صاحبزادے ہیں جن پر مجرمانہ اقدام کی فرد جرم عائد کی گئی ہے وہ کیپیٹل کے باہر ایک نیوز کانفرنس میں پیش ہوئے جہاں انہوں نے ایک بار پھر بند کمرے میں سماعت سے انکار کرتے ہوئے عوامی سماعت میں تفتیش کی پیشکش کی۔

اب تک ایسا کوئی ٹھوس ثبوت سامنے نہیں آیا ہے جو یہ ثابت کرسکے کہ جو بائیڈن اپنی موجودہ یا ماضی کی سرکاری حیثیت میں اپنے عہدے کے غلط استعمال میں ملوث تھے یا غیر قانونی ادائیگیاں قبول کرتے تھے۔ تاہم بائیڈن خاندان کے بین الاقوامی کاروباری امور پر اخلاقی خدشات کا اظہار کیا جاتا رہا ہے۔