نیو یارک (شِنہوا) امریکہ کو سرد جنگ کے فریم ورک کو مسترد کرنے کی ضرورت ہے کیونکہ یہ چین سے تعلقات کے چوراہے پر ہو تے ہوئے بدقسمتی سے پُر خطر  طور پر غلط راہ پر  گا مزن ہے۔

ڈیلی بیسٹ میں شائع ہونے والے آرٹیکل میں امریکی میڈیا کمپنی روتھکوپف گروپ کے سی ای او ڈیوڈ روتھکوپف نے امریکی نیشنل انٹیلی جنس کے ڈائریکٹر ایورل ہینز کے اس الزام کی تردید کی ہے کہ چین امریکی قومی سلامتی کے لئے نتیجہ خیز خطرہ ہے۔

روتھکوپف  نے سوال کیا کہ یہ اتنا بڑا خطرہ کیوں ہے جبکہ ملک کی اپنے خطے سے باہر فتح کی گزشتہ 5 ہزار سالوں کے دوران کوئی تاریخ نہیں ہے اور یہ امریکہ کے لئے براہِ راست حملے کا خطرہ بننے کے قابل یا مائل ہونے سے بہت دور ہے۔

مصنف نے کہا کہ اس خام خیالی کو ختم کرنا ہو گا کہ چین۔امریکہ تعلقات کسی بھی طرح زیروسم کا تنازعہ ہیں۔ ہماری معیشتیں آپس میں جڑی ہوئی ہیں اور 70 ہزار سے زائد امریکی کمپنیز چین میں کام کر رہی ہیں۔

انہوں نے مزید کہا کہ ہم کوئی ایک بھی بڑا عالمی مسئلہ چین کے ساتھ تعاون کے بغیر حل نہیں کر سکتے جن میں سے ہمارے متعدد مفادات جڑے ہوئے ہیں اور کچھ ایک دوسرے سے ملتے ہیں۔