مزار شریف(شِنہوا)افغانستان میں پولیس نے شمالی صوبہ بلخ کے دارالحکومت مزار شریف میں جرائم پیشہ افراد کے خلاف کریک ڈاؤن میں8 مبینہ اغوا کاروں کو ہلاک کر دیا۔
صوبائی پولیس کے ترجمان محمد آصف وزیری نے بدھ کوبتایا کہ پولیس کے یونٹوں نے بدھ کی صبح مزار شریف شہر کے پولیس ڈسٹرکٹ 7 کے علاقے خواجہ خیران میں اغواکاروں کے خفیہ ٹھکانے پر کارروائی کی جس میں آٹھ افراد کو ہلاک کر کے ان کے قبضے سے تین رائفلوں، دو پستولوں اور تین کاروں سمیت اسلحہ اور گولہ بارود برآمد کیا گیا۔
وزیری نے شِنہوا کو بتایا کہ گینگ کے ساتھ فائرنگ کے تبادلے کے دوران دو پولیس اہلکار زخمی ہو گئے۔
