لاس اینجلس(شِنہوا) ناسا کے اورین خلائی جہاز نے چاند کے دور دراز کے مدار سے نکل کر زمین کی جانب واپسی کا سفر شروع کردیا ہے۔

چاند کے دور دراز کے مدار سے باہر  نکلنے کے لیے اورین خلائی جہاز کا انجن جمعرات کو اسٹارٹ ہوا۔

ناسا کے مطابق 11 دسمبر کو بحر الکاہل میں اورین کی لینڈنگ سے پہلے دو مشقیں درکار ہوں گی جن میں سے انجن کو حرکت میں لانا ایک مشق ہے۔

دوسری مشق، فلائی بائی برن 5 دسمبر کو انجام دی جائے گی، جب خلائی جہاز چاند کی سطح سے 126.7 کلومیٹر (79.2 میل) اوپر ہوگا اور زمین کی طرف اپنے راستے کا تعین کرے گا۔