اداکارہ و ماڈل طوبی انور نے شادی کیلئے جیون ساتھی کی خصوصیات بتادیں۔طوبی انور نے ایک ٹی وی چینل کے شو میں شرکت کی جہاں انہوں نے اپنی زندگی بلکہ شوبز انڈسٹری کے حوالے سے بھی گفتگو کی۔میزبان کی جانب سے اداکارہ سے جیون ساتھی سے متعلق سوال پوچھا گیا جس کے جواب میں طوبی انور نے کہا کہ ان کے نزدیک اچھی صحبت والے انسان کا ہونا ضروری ہے، وقتی طور پر ہمیں کچھ لوگ پسند آرہے ہوتے ہیں لیکن ان کے ساتھ سالوں رشتہ چلنا مشکل ہو جاتا ہے کیونکہ دونوں کے درمیان اچھی دوستی نہیں ہوتی، بات کرنے کیلئے اچھے موضوع نہیں ہوتے۔اداکارہ نے مزید کہا کہ اگر میں کسی کے ساتھ زندگی گزارنے کا سوچوں تو یہ ضرور دیکھوں گی کہ اس کے ساتھ میری دوستی ہے یا نہیں، عزت کا رشتہ ہے یا نہیں، پڑھا لکھا انسان ہو، اچھا کمانے کے علاوہ لائف پارٹنر ایسا ہونا چاہیے جو آپ کو سکون دے۔

کریڈٹ: انڈیپنڈنٹ نیوز پاکستان-آئی این پی