بھارت کے مقبول گلوکار دلجیت دوسانجھ نے حال ہی میں اپنے انٹرنیشنل ٹور دلومیناتی ٹوور چیپٹر نیدرلینڈ میں اسٹیج پر پرفارمنس کے دوران ڈانسرز میں سے ایک خاتون کا زخمی پائوں دیکھ کر انہیں گلے لگالیا۔دلجیت دوسانجھ کی جانب سے کریو ڈانسرز میں سے ایک خاتون کے ساتھ کیے جانے والے حسنِ سلوک کی ویڈیو سوشل میڈیا پر وائرل ہے۔ویڈیو میں دیکھا جاسکتا ہے کہ اپنی پرفارمنس کے دوران دلجیت کی نظر جونہی زخمی خاتون پر پڑی انہوں نے خاتون کا ہاتھ تھام کر انہیں اسٹیج کے بیچ میں کھڑا کردیا اور اسٹیڈیم میں موجود شائقین کو بتایا کہ خاتون کا پائوں زخمی ہے جس کے بعد انہوں سے ڈانسر کو گلے لگاتے ہوئے آرام کرنے کا مشورہ دیا۔خاتون کی جانب سے دلجیت دوسانجھ کی طرف سے محبت دیکھ کرخاتون کی آنکھیں نم ہوگئیں۔ ویڈیو کے کمنٹ سیکشن میں اپنی رائے کا اظہار کرتے ہوئے مداحوں کا کہنا تھا کہ ہمارا ایک ہی دل ہے دلجیت اور آپ اسے کتنی مرتبہ جیتیں گے؟

کریڈٹ: انڈیپنڈنٹ نیوز پاکستان-آئی این پی