بالی ووڈ اداکارہ کاجول نے کہا ہے کہ سوشل میڈیا کے دور میں مشہور شخصیت کیلئے ٹرولنگ زندگی کا لازمی حصہ بن گئی ہے۔کاجول نے ایک تقریب کے دوران سوشل میڈیا ٹرولنگ بارے کھل کر بات کی ۔انہوں نے سوشل میڈیا پر زیر گردش گلیمرس تصاویر اور ان کے پیچھے کی حقیقت سے متعلق بھی اظہار خیال کیا۔اداکارہ نے کہا کہ میں شکرگزار ہوں کہ میری زندگی کا بیشتر حصہ سوشل میڈیا کے بغیر گزرا ہے، 6 سال پہلے ہی سماجی رابطے کی دنیا میں قدم رکھا ہے، یہاں زندگی غیر حقیقی ہے۔کاجول نے مزید کہا کہ ہمارے زندگی میں بھی اچھے اور برے دن آتے ہیں، ہم بھی سب ہی کی طرح محنت کرتے ہیں لیکن جب پوسٹ سامنے آتی ہے تو ہم مسکراتے ہیں۔مداحوں کے دہری نوعیت کے ردعمل پر کاجول نے کہا کہ جب آپ سے لوگ بہت زیادہ پیار کرتے ہیں تو انہیں آپ سے نفرت کرنے کا بھی حق ہے، یہ نہیں کہہ رہی کہ وہ صحیح ہیں لیکن ہمیں مشہور شخصیت ہونے کی وجہ سے اس سے نمٹنا ہوگا۔

کریڈٹ: انڈیپنڈنٹ نیوز پاکستان-آئی این پی