بالی ووڈ اداکارہ سوہا علی خان نے اپنے والد منصور علی خان پٹودی کی برسی کے موقع پر ایک جذباتی پوسٹ سوشل میڈیا کی زینت بنادی۔فوٹو اینڈ ویڈیو شیئرنگ ایپ انسٹاگرام پر سوہا علی خان نے پوسٹ شیئر کی جس میں انہوں نے اپنے والد منصور علی خان پٹودی کو خراج عقیدت پیش کیا جنہیں کرکٹ کی دنیا میں ٹائیگر کے نام سے بھی جانا جاتا تھا۔مذکورہ پوسٹ میں اداکارہ سوہا نے والد منصور علی خان پٹودی کی فوٹو فریم شیئر کی جسکے سامنے ایک دیا جل رہا ہے ، ساتھ ہی انہوں نے اپنی جذباتی پیغام میں والد کی یادوں کو تازہ کیا اور ان کی شخصیت کو سراہا۔خوبصورت اور حسین یادوں پر مشتمل تصویر شیئر کرتے ہوئے سوہا علی خان نے کیپشن میں لکھا کہ،میں خود کو آپ میں دیکھتی ہوں۔سوہا علی خان کی اس پوسٹ کو سوشل میڈیا صارفین سمیت شوبز شخصیات کی جانب سے خوب پسند کیا جارہا ہے۔

کریڈٹ: انڈیپنڈنٹ نیوز پاکستان-آئی این پی