سندھ کے معروف لوک گلوکار وزیرعلی عمرانی طویل علالت کے بعد انتقال کر گئے۔ وہ جگر کے عارضے میں مبتلا تھے اور بلبل سندھ کے نام سے مشہور تھے۔مرحوم وزیرعلی عمرانی نے سندھی، بلوچی، اردو سمیت چھ مختلف زبانوں میں ہزاروں گیت گائے اور اپنی آواز کے ذریعے دلوں میں جگہ بنائی۔وزیرعلی عمرانی کی آخری رسومات ان کے آبائی گائوں سرمست عمرانی میں ادا کی گئیں۔ان کی وفات سے سندھ کی لوک موسیقی کا ایک اہم باب بند ہوگیا جبکہ اور ان کے مداحوں اور فنکار برادری میں غم کی لہر دوڑ گئی۔

کریڈٹ : انڈیپنڈنٹ نیوز پاکستان-آئی این پی