بالی ووڈ کے سینئر اداکار شتروگھن سنہا چاقو حملے میں زخمی ہونے والے سیف علی خان اور ان کی اہلیہ کرینہ کپور کی اے آئی کے ذریعے بنی تصویر پوسٹ کرنے پر تنقید کی زد میں آگئے۔بالی وڈ اداکار شتروگھن سنہا نے ایکس پر سیف پر حملے کی مذمت کی اور کہا کہ عوام سے اپیل ہے کہ الزامات لگانے کا سلسلہ روکیں پولیس اس معاملے میں اچھا کام کر رہی ہے۔بھارتی اداکار نے ٹوئٹ میں ساتھ سیف علی خان اور کرینہ کپور کی اے آئی کے ذریعے بنی تصویر بھی پوسٹ کی جس میں انہیں اسپتال کے بستر پر دکھایا گیا تھا۔سوشل میڈیا صارفین نے اے آئی تصویر لگانے پر شتروگھن سنہا کو سخت تنقید کا نشانہ بنایا جس کے بعد انہیں تصویر ہٹانا پڑگئی۔

کریڈٹ : انڈیپنڈنٹ نیوز پاکستان-آئی این پی