باکس آفس پر ہندی زبان کی کامیاب ترین فلم استری 2 میں عمدہ اداکاری کرنے والی اداکارہ شردھا کپور سے متعلق اطلاعات ہیں کہ وہ اب فلم دھوم 4 میں نظر آئیں گی۔خیال رہے کہ دھوم فرنچائز کی کہانیاں پہلی فلم سے ہی مداحوں کو خوب پسند آئیں اور فلموں کے کرداروں اور انکی اداکاری کو بھی اتنا ہی سراہا گیا ہے۔ اب یہ اطلاعات سامنے آرہی ہیں کہ فلم دھوم 4 کیلیے رنبیر کپور مرکزی کردار نبھائیں گے جبکہ شردھا کپور فیمیل لیڈ کیلئے مضبوط امیدوار ہیں، لیکن کرداروں جے اور علی کے چاہنے والوں کیلئے بری خبر یہ ہے کہ وہ ممکنہ طور پر اگلی فلم میں نظر نہیں آئیں گے۔ دوسری جانب سوشل میڈیا صارفین کی آرا اس سلسلے میں کچھ مختلف نظر آتی ہیں۔ کچھ صارفین کا کہنا ہے کہ شردھا کپور کی جگہ پر فلم میں دیپیکا پڈوکون ہونی چاہئیں جبکہ کچھ کا ووٹ تریپتی دیمری کے حق میں ہے۔

کریڈٹ: انڈیپنڈنٹ نیوز پاکستان-آئی این پی