مشہور اداکار نوید رضا نے انکشاف کیا ہے کہ انہوں نے شوبز کی خاطر اپنی 17ویں گریڈ کی ملازمت چھوڑ دی تھی۔ ایک انٹرویو میں انہوں نے بتایا کہ میں نے اپنے کیرئیر کا آغاز 2008 میں بطور گریڈ17 آفیسر، شعبہ صحت سے کیا۔میری تعیناتی سندھ ایڈز کنٹرول پروگرام میں ہوئی۔نوید رضا نے اپنی بات جاری رکھتے ہوئے کہا پھر2009 میں، میں نے چند ایک جرائد کے لیے ماڈلنگ کی اور ایک نجی چینل سے نشر ہونے والے شو ہیرو بننے کی ترنگ کا آڈیشن بھی دیا۔اداکار کا کہنا تھا کہ یہ شو میرے لیے خاصا خوش قسمت ثابت ہوا کہ اس کے بعد متعدد اشتہارات اور ڈراموں میں کام ملتا چلا گیا۔نوید رضا کا بتانا تھا کہ دو برس تک اداکاری کے ساتھ ملازمت بھی جاری رکھی، مگر جب لگا کہ زیادہ رجحان اداکاری کی جانب ہے، تو سرکاری ملازمت چھوڑ دی حالاں کہ دوستوں نے بہت سمجھایا منع بھی کیا، مگر وہ کہتے ہیں ناں کہ شوق کا کوئی مول نہیں ہوتا، تو بس اپنے شوق کی خاطر شوبز کا راستہ چن لیا۔

کریڈٹ: انڈیپنڈنٹ نیوز پاکستان-آئی این پی