اداکارہ صحیفہ جبار نے ہیڈ فونز کا نیا استعمال متعارف کروادیا۔فوٹو اینڈ ویڈیو شیئرنگ ایپ انسٹاگرام پر صحیفہ جبار نے پوسٹ شیئر کی جس میں انہیں سردیوں کے یخ بستہ موسم میں پہاڑوں کے درمیان موج مستی کرتے اور لالی پاپ انجوائے کرتے دیکھا گیا۔مذکورہ جھلکیوں میں اداکارہ جینز اور شرٹ میں ملبوس ہیں جبکہ ہیڈ فونز کو انہوں نے اپنے کاندھے پر ڈال رکھا ہے۔اداکارہ نے ان تصاویر کو شیئر کرتے ہوئے حالیہ پوسٹ میں لالی پاپ پر ملنے والی تنقید کا ذکر کرنے کیساتھ ہیڈ فونز کے نئے استعمال کا طریقہ بتاتے ہوئے کہا کہ ہیڈ فونز صرف موسیقی کے لیے نہیں، بلکہ سرد ہوائوں سے بچائو کا میرا دفاع بھی ہیں جہاں تک لالی پاپ کا تعلق ہے، تو یہ میری جبڑوں کو چیک میں رکھنے کا میرا طریقہ ہے۔ کیپشن کا اختتام کرتے ہوئے صحیفہ جبار نے مزید لکھا کہ میں یہ ٹائپ کر رہی ہوں، میرے ہاتھ کانپ رہے ہیں، سردی کی وجہ سے نہیں بلکہ بے چینی کی وجہ سے۔ مگر مجھے یقین ہے کہ میں جلد ہی ٹھیک ہو جائوں گی۔ میرا ایمان متزلزل نہیں ہوا، اور مجھے یقین ہے کہ وہ میرے لیے سب کچھ ٹھیک کر دے گا۔ اس لمحے میں میرے پاس جو کچھ ہے، اس کے لیے میں انتہائی شکر گزار ہوں۔

کریڈٹ: انڈیپنڈنٹ نیوز پاکستان-آئی این پی