اداکار احد رضا میر اور اداکارہ رمشا خان کے نئے رومانوی فوٹوشوٹ تعریف کی بجائے تنقید کا مرکز بن گیا۔ رمشا خان اور احد رضا میر کی چند تصاویر اور ویڈیوز زیرِ گردش ہیں جن میں دونوں ایک دوسرے کے ساتھ رومانوی لمحات گزاتے نظر آرہے ہیں۔وائرل ویڈیو میں رمشا خان اور احد رضا میر بے شمار موم بتیوں کے درمیان چلتے ہوئے نظر آئے اور ایک دوسرے کو دیکھ کر کبھی مسکراتے تو کبھی احد رضا میر رمشا خان کے کان میں سرگوشی کرتے دکھے۔دونوں ستاروں کا یہ فوٹوشوٹ سوشل میڈیا صارفین کی جانب سے شدید تنقید کی زد میں ہے اور اس کی وجہ جوڑی کے لیے صارفین کی ناپسندیدگی ہے۔متعدد سوشل میڈیا صارفین تصاویر اور ویڈیوز کے کمنٹ سیکشن میں یہ اندازہ لگاتے نظر آرہے ہیں کہ ممکنہ طور پر سٹار جوڑی نے یہ فوٹوشوٹ کروا کر اپنے ریلیشن شپ کو آفیشل کر دیا ہے۔

کریڈٹ: انڈیپنڈنٹ نیوز پاکستان-آئی این پی