بھارتی فلم انڈسٹری کے معروف اداکار اور ہدایت کار راکیش روشن نے انکشاف کیا ہے کہ ریکھا وعدے پورے نہ کرنے والوں اور جو ڈائریکٹرز وقت پر پیسے نہیں دیتے تھے ان کے لیے مشکل کھڑی کر دیتی تھیں۔معروف اداکار اور ہدایت کار راکیش روشن نے ایک انٹرویو کے دوران کہا کہ جب میں نے بطور ہدایت کار انہیں خون بھری مانگ میں ایک ماں کے کردار کے لیے سائن کیا تو انڈسٹری کے لوگوں نے مجھے خبردار کیا کہ وہ وقت کی پابند نہیں، شوٹنگ کے دوران مسائل پیدا کرتی ہیں اور بغیر بتائے چلی جاتی ہیں۔راکیش روشن کا کہنا ہے کہ میں ان باتوں کو مکمل طور پر نہیں مانتا تھا تاہم جب میں بطور ہدایت کار ان کے پاس گیا او ر ریکھا سے کہا کہ میں تم سے صاف پوچھنا چاہتا ہوں، تم مجھے کسی مسئلے میں تو نہیں ڈالو گی نا؟ریکھا نے راکیش روشن کی بات کا بڑی صاف گوئی سے جواب دیا اور کہا کہ میں صرف انہی لوگوں کے لیے مسائل پیدا کرتی ہوں جو ادائیگی نہیں کرتے یا اپنے وعدے پورے نہیں کرتے۔

کریڈٹ: انڈیپنڈنٹ نیوز پاکستان-آئی این پی