تلگو فلموں کے سپر اسٹار رام چرن کی سیاسی ایکشن فلم گیم چینجر کی ریلیز کی تاریخ کا اعلان کر دیا گیا ہے۔فلم کو نامور ہدایتکار شنکر نے ڈائریکٹ کیا ہے اور یہ فلم 10 جنوری 2025 کو سنکرانتی کے موقع پر دنیا بھر کے سینما گھروں میں ریلیز ہوگی۔ فلم کی پروڈکشن دل راجو نے سری وینکٹیشورا کریشنز کے بینر تلے کی ہے۔حالیہ پوسٹر میں رام چرن کو ایک نئے اور دلکش انداز میں دکھایا گیا ہے، جس سے فلم میں آنے والے زبردست ایکشن سین کی جھلک ملتی ہے۔ رام چرن فلم میں دوہرا کردار ادا کرتے نظر آئیں گے، جس میں وہ ایک آئی اے ایس افسر رام نندن کا کردار نبھا رہے ہیں۔ ان کے ساتھ فلم میں کیارا اڈوانی بھی مرکزی کردار میں نظر آئیں گی، جب کہ انجلی ایک فلیش بیک سین میں اہم کردار ادا کریں گی۔

کریڈٹ: انڈیپنڈنٹ نیوز پاکستان-آئی این پی