اداکارہ ہانیہ عامر کا کہنا ہے کہ اگر بھارتی فنکارہ راکھی ساونت پاکستان آئیں تو میں ان کا ایئرپورٹ جا کر ذاتی طور پر استقبال کروں گی۔ ایک انٹرویو میں ہانیہ عامر نے کہا کہ راکھی ساونت جب پاکستان آئیں گی تو میں ان کے ساتھ ڈنر بھی کروں گی۔ بھارت میں مشہور ہونے اور کام کرنے کے حوالے سے سوال کے جواب میں ہانیہ کا کہنا تھا کہ ایسا ابھی کوئی پروگرام نہیں، اگر ہوگا تو ضرور بتائوں گی۔راکھی ساونت کے بھارت بلانے کے سوال پر اداکارہ کا کہنا تھا کہ بالکل ان کیلئے جائوں گی۔واضح رہے کہ گزشتہ دنوں بالی ووڈ اداکارہ راکھی ساونت کی ایئر پورٹ سے ایک اور ویڈیو سامنے آئی تھی جس میں انہوں نے کہا تھا کہ ہانیہ کیا تمہارے گھر میں میرے لیے جگہ ہے؟ میں تمہاری بہن، بھارت سے آرہی ہوں، چلو مجھے ایئرپورٹ پر لینے آجائو۔

کریڈٹ: انڈیپنڈنٹ نیوز پاکستان-آئی این پی