بالی ووڈ کے کنگ شاہ رخ خان اور معروف اداکارہ پریانکا چوپڑا کے درمیان تعلقات کی افواہیں ماضی میں بھی گردش کرتی رہی ہیں۔تاہم اس حوالے سے اب بھارتی اداکار نے لب کشائی کی، ایک انٹرویو میں انہوں نے پریانکا چوپڑا کا نام لیے بغیر افسوس کا اظہار کرتے ہوئے کہا کہ لوگ اس خاتون سے جن کے ساتھ وہ پہلے کام کر چکے ہیں، چھان بین کررہے ہیں بجائے اس کے کہ وہ انہیں عزت دیں بالکل ویسے ہی جیسے میں ذاتی طور پر ان خاتون کو بلکہ سب خواتین کو ہی عزت دیتا ہوں۔شاہ رخ خان کا پریانکا چوپڑا کی تعریف کرتے ہوئے کہنا تھا کہ وہ ایک چھوٹی سی معصوم لڑکی ہے، ابھی مجھے صحیح سے یاد نہیں ہے جس نے اپنا مس انڈیا یا شاید مس ورلڈ کا تاج پہنتے ہوئے میرے ساتھ اپنے سفر کا آغاز کیا تھا۔کنگ خان کا کہنا تھا کہ ہم نے اچھے دوستوں کی طرح اسکرین شیئر کی لیکن یہ بدقسمتی کی بات ہے کہ ہماری اس دوستی کو غلط رنگ میں ڈھال دیا گیا۔

کریڈٹ: انڈیپنڈنٹ نیوز پاکستان-آئی این پی