بالی ووڈ اداکارہ پریانکا چوپڑا نے سوشل میڈیا پر اپنی بیٹی مالتی میری کی تصویر میں چہرہ چھپانا شروع کردیا۔اداکارہ اپنے بین الاقوامی جاسوسی تھرلر شو Citadel سیزن 2 کی شوٹنگ مکمل کرنے والی ہیں، جس کے پردے کے پیچھے کی تصاویر شیئر کر کے انہوں نے انتھک محنت پر اپنی ٹیم کا شکریہ ادا کیا۔ٹیم ممبرز کے ساتھ کھینچی گئی تصاویر کے اس فوٹو ڈمپ میں ان کی بیٹی مالتی بھی 2 تصاویر میں نظر آئیں لیکن حیرت انگیز طور پر ان کا چہرہ چھپا ہوا دیکھا گیا۔پریانکا نے اپنے انسٹاگرام ہینڈل پر لندن کے ایک ریستوراں سے کچھ تصاویر شیئر کیں، جس میں انہوں نے سفید لباس پہنا ہوا تھااگلی 2 تصاویر میں وہ اپنی ٹیم کے ہمراہ شاندار ضیافت سے لطف اندوز ہوتی نظر آئیں جبکہ چوتھی تصویر میں انہوں نے اور مالتی نے فر کوٹ پہنا ہوا ہے اور اداکارہ اپنی بیٹی کا ہاتھ پکڑے نظر آئیں۔پرینکا نے کیپشن میں لکھا کہ 'میری جاب میں ان لوگوں کے بغیر کچھ بھی ممکن نہیں جو کام کی گجہ پر آپ کے آس پاس ہوتے ہیں اور ہر پروجیکٹ میں آپ کے ساتھ تعاون کرتے ہیں۔اس تبدیلی پر بہت سے انسٹاگرام صارفین کی جانب سے انہیں تنقید کا نشانہ بھی بنایا گیا کیونکہ پریانکا پہلے مالتی کی تصاویر اکثر اور آزادانہ طور پر شیئر کرتی تھیں، اب جب کہ انہوں نے مالتی کا چہرہ دوبارہ چھپا لیا انٹرنیٹ صارفین نے سوال اٹھائے۔

کریڈٹ: انڈیپنڈنٹ نیوز پاکستان-آئی این پی