نوجوان اداکارہ زینب شبیر نے کہا ہے کہ پہلی مرتبہ خود کو ٹی وی سکرین پر دیکھ کر پاگل سی ہوگئی تھی۔ ایک انٹرویو میں زینب شبیر نے بتایا کہ جب انہوں نے اداکاری شروع کی، تب ان کی تعلیم بھی مکمل نہیں ہوئی تھی۔ زینب شبیر نے اداکاری کے ابتدائی دور کو یاد کرتے ہوئے بتایا کہ انہیں پہلی مرتبہ اپنی کمائی کا 15 ہزار روپے کا چیک ملا تھا اور وہ ان کی عمر اور وقت کے حساب سے بہت زیادہ پیسے تھے' انہوں نے ان ہی پیسوں سے اپنے پورے خاندان کو دعوت دی۔انہوں نے بتایا کہ شوبز میں انٹری کے بعد ابتدائی طور پر انہیں کچھ سمجھ نہیں آ رہا تھا کہ وہ کیا کر رہی ہیں اور ان کے ساتھ کیا کیا جا رہا ہے، تاہم جب انہوں نے پہلی بار خود کو ٹی وی اسکرین پر دیکھا تو انہیں احساس ہوا کہ وہ اچھا کام کر رہی ہیں اور خود کو دیکھ کر وہ پاگل ہوگئیں۔ اداکارہ نے بتایا کہ انہیں اسکرین پر دیکھ کر ان کے اہل خانہ بھی خوش ہوئے جب کہ والدہ جذباتی دکھائی دیں۔ ایک سوال پر زینب شبیر نے کہا اگر کسی لڑکی کے ساتھ کوئی مرد یا ساتھی غلط کرنے کی کوشش کرتا ہے تو اسے اسی وقت آواز اٹھانی چاہیے۔

کریڈٹ: انڈیپنڈنٹ نیوز پاکستان-آئی این پی