معروف اداکارہ نوشین شاہ نے انکشاف کیا ہے کہ پہلی مرتبہ ڈرامے میں اداکاری کرنے پر انہیں ان کی والدہ سے مار پڑی تھی۔ ایک انٹرویو میں انہوں نے بتایا کہ وہ کالج میں گیارہویں جماعت کی طالبہ تھیں جب ایک دن ٹیلنٹ ہنٹ والے آئے اور انہوں نے مجھے دیکھ کر کہا کہ یہ لڑکی بہت پیاری ہے۔انہوں نے مزید بتایا کہ چنانچہ پرنسپل نے مجھے اپنے کمرے میں بلایا جہاں کاسٹنگ والے افراد بھی موجود تھے جنہوں نے مجھ سے پوچھا کہ کیا آپ اداکاری کرنا چاہیں گی جس پر میں نے کہا کیوں نہیں۔نوشین کے مطابق ان لوگوں ان سے والدین کی اجازت لے کر آنے کو کہا لیکن میں نے گھر میں کسی سے کوئی ذکر نہیں کیا اور دوست سے کپڑے مانگے اور جا کر چھوٹا سا سائیڈ رول کرلیا جس کا معاوضہ 3 ہزار روپے ملا تھا۔انہوں نے کہا کہ جب ڈرامہ آن ایئر ہوا تو مجھے لگا میری امی ہٹلر کا فی میل ورژن بن گئی ہیں اور پھر جو انہوں نے میری بے عزتی، مارکٹائی سے طبیعت صاف کی۔نوشین شاہ نے بتایا کہ ان کے والد ٹرانسپورٹر تھے، جن کا کہنا تھا کہ ہمارا کام بچوں کو صحیح غلط بتانا ہے، باقی آپ کا فیصلہ ہے، انہیں میری اداکاری سے مسئلہ نہیں ہوا انہیں یہ برا لگا کہ میں جھوٹ بول کر گئی تھی۔

کریڈٹ: انڈیپنڈنٹ نیوز پاکستان-آئی این پی