بالی ووڈ سٹار عمران ہاشمی نے 2008 میں دورہ پاکستان کو یادگار قرار دے دیا۔ ایک انٹرویو میں عمران ہاشمی کا کہنا تھا کہ وہ اس دورے میں پاکستانیوں کی مہمان نوازی سے بہت متاثر ہوئے تھے۔ ان کا کہنا تھا کہ پاکستان میں جب بالی ووڈ فلمیں ریلیز ہونا شروع ہوئیں تو وہ فلم جنت کے پریمیئر کے سلسلے میں لاہور گئے جہاں ان کے ہمراہ ہدایتکار مہیش بھٹ اور اداکارہ سونال چوہان بھی تھیں۔انہوں نے کہا کہ پاکستانیوں نے ان دو دنوں میں ان کی جتنی خاطر مدارت کی وہ فراموش نہیں کی جاسکتی۔ انہیں پاکستان جاتے ہوئے کسی قسم کا ڈر و خوف بھی نہیں تھا۔

کریڈٹ: انڈیپنڈنٹ نیوز پاکستان-آئی این پی