بالی ووڈ اداکار ورون دھون اور ان کی اہلیہ نتاشا دلال نے ممبئی کے علاقے جوہو میں مہنگی ترین اور قیمتی پراپرٹی خرید لی۔بھارتی میڈیا کے مطابق جوڑے نے زیر تعمیر عمارت کی ساتویں منزل پر ایک اپارٹمنٹ خریدا ہے۔رپورٹس کے مطابق اس اپارٹمنٹ کی قیمت 44 کروڑ 52 لاکھ روپے ہے۔بھارتی میڈیا کے مطابق اس اپارٹمنٹ کا کل رقبہ 5112 مربع فٹ ہے جس میں 4 گاڑیوں کی پارکنگ کی جگہ بھی شامل ہے اور یہ زیر تعمیر پروجیکٹ 31 مئی 2025 تک مکمل ہو گا۔بھارتی میڈیا کے مطابق اس علاقے میں امیتابھ بچن، اکشے کمار، اجے دیوگن، شاہ رخ خان، کاجول، دھرمیندر اور عامر خان سمیت کئی بالی ووڈ کی مشہور شخصیات کے گھر بھی ہیں۔

کریڈٹ : انڈیپنڈنٹ نیوز پاکستان-آئی این پی