بھارت کے معروف گلوکار دلجیت دوسانجھ نے ویزہ ملنے کی شرط پر پاکستان آنے کا وعدہ کر لیا۔مختلف سوشل میڈیا پلیٹ فارمز پر عالمی شہرت یافتہ گلوکار دلجیت دوسانجھ کے انٹرویو کا مختصر ویڈیو کلپ وائرل ہو رہا ہے۔سوشل میڈیا پر وائرل ویڈیو بھارتی گلوکار کے لائیو سیشن کی ہے جس میں انہوں نے مداحوں سے بات چیت کی اور اپنے مستقبل کے منصوبوں کے بارے میں بھی بتایا ہے۔حالیہ لائیو سیشن کے دوران کمنٹس میں جب بھارتی گلوکار کو پاکستانی مداح نے پیغام دیا اور کہا کہ پاکستانیوں کی جانب سے آپ کے لیے بہت پیار ہے۔پاکستانی مداح کی جانب سے محبت بھرے پیغام کا جواب دیتے ہوئے گلوکار نے کہا کہ پتہ نہیں یہ کہنا چاہیے یا نہیں لیکن میرے لیے سب ایک جیسے ہیں، چاہے وہ دنیا کہ کسی بھی حصے سے کیوں نہ ہوں۔ایک اور مداح نے پاکستان آنے کے حوالے سے سوال کیا تو انہوں نے کہا کہ پاکستان بھی آ جائیں گے، میں نہیں جانتا کہ مجھے ویزا ملے گا یا نہیں لیکن اگر ویزہ مل گیا تو پاکستان بھی آئیں گے۔

کریڈٹ: انڈیپنڈنٹ نیوز پاکستان-آئی این پی