مرزا پور ویب سیریز کے شائقین کیلئے خوشخبری، فرحان اختر نے مرزا پور دی فلم کا ٹیزر جاری کردیا ہے جس میں پنکج ترپاٹھی، علی فضل، اور دیویندو شامل ہیں۔فرحان اختر نے اپنے آفیشل انسٹاگرام اکائونٹ پر مرزا پور دی فلم کا ٹیزر جاری کرتے ہوئے یہ اعلان کیا ہے کہ بالی ووڈ کی مشہور ویب سیریز مرزا پور کو شائقین کیلئے جلد فلم کی شکل میں پیش کیا جائے گا۔فلم میں پنکج ترپاٹھی، علی فضل، اور دیویندو ایک مرتبہ پھر ساتھ جلوہ گر ہوں گے جبکہ یہ فلم سال 2026 میں سنیما گھروں زینت بنے گی۔واضح رہے کہ مرزا پور سیزن ون 2018، سیزن 2 سال 2020 میں ریلیز ہوا جبکہ رواں سال اس مشہور زمانہ ویب سیریز کا ایک بونس ایپی سوڈ بھی ریلیز کیا گیا جس میں مشہور کردار منا بھیا کو ایک مرتبہ پھر دکھایا گیا۔

کریڈٹ: انڈیپنڈنٹ نیوز پاکستان-آئی این پی